Daghang mga magbabalaod ang nagduso sa pag-ila sa kanhing comedy icon nga si Dolphy isip National Artist.
Si Manila 3rd District Representative Joel Chua misang-at sa House Resolution 41 niadtong Miyerkules, Hulyo 9, usa ka adlaw sa wala pa ang ika-13 nga anibersaryo sa kamatayon sa komedyante.
Ang National Artist maoy usa sa pinakataas nga pasidungog nga gihatag sa mga indibidwal nga nakahatag ug dakong kontribusyon sa arts ug kultura sa Pilipinas.
Ang resolusyon nanawagan alang sa pagpahigayon og pagdungog sa mga komite sa Creative Industries ug Basic Education & Culture alang sa pormal nga nominasyon sa kanhing aktor nga si Rodolfo “Dolphy” Quizon Sr. ngadto sa National Commission for Culture and the Arts.
Ang comedy King of Filipino cinema namatay niadtong tuig 2012 tungod sa multiple organ failure ug gilubong sa Heritage Park sa Taguig City.
