Nipanaw na si Trevor Magallanes, ang bana sa komedyanteng si Rufa Mae Quinto.
Kini ang mikatag nga balita human mag-post si Rufa Mae og mga litrato nila sa iyang namatay nga bana, nga dali usab nga nakadani sa simpatiya ug mga mensahe sa pagpakig-ambit sa kasubo gikan sa mga fans ug kauban sa industriya sa showbiz.
Bisan wala pa’y opisyal nga pahayag si Rufa Mae, daghang mga personalidad sa showbiz ang nagpahayag sa ilahang pakig-subo, lakip na sila Ogie Alcasid, Maxene Magalona, Jaya, Candy Pangilinan, ug Alessandra de Rossi.
Nagpadangat usab sa iyahang kasakit nga gibati nga si Regine Angeles.
Kahinumduman nga sa usa ka interbyu kaniadto, miangkon si Rufa Mae nga gihigugma gihapon niya si Trevor tungod kay bana gihapon niya kini ug amahan sa ilahang anak.
Apan gikinahanglan na gayud silang magbulag tungod kay dili na siya gusto sa lalaki.
Wala pa’y gipagawas nga detalye kabahin sa hinungdan sa pagpanaw ni Magallanes.
