DAVAO CITY – Na-acquit sa kasong pagpatay sa negosyanteng si Richard King si kanhi Lt. Col. Leonardo Felonia human sa walo ka tuig nga pagkapriso.
Gikumpirma kana mismo ni Davao City Police Office spokesperson PMaj.Catherine dela Rey kagahapon.
Atol sab sa pagka-abswelto sa kanhi pulis, gikumpirma sab sa iyang legal adviser nga si Atty. Caesar Europa nga nakagawas na gikan sa prisohan si Felonia pagka-hapon.
Kahinumdumang gipatay si Richard King sulod sa usa ka gambalay sa may Sobrecarey St., Bo. Obrero, ning dakbayan kaniadtong June 12, 2014.
Ang gunman nga si Paul Dave Labang pa mismo ang nagtug-an nga si Felonia ang nagsugo kaniya nga patyon ang negosyante.
Nigawas sa nahimong imbestigasyon sa Special Investigation Task Group King nga pagdumot ug negosyo ang nahimong motibo sa maong insidente.
Si Richard King ang negosyante nga nanag-iya sa Crown Regency Group of Hotels.
via || Bombo LJF
