Gipakawad-an ug sala sa Sandiganbayan Seventh Division si kanhi Philippine National Police (PNP) chief Jesus Verzosa nga adunay kalabutan sa maanomalyang pagpalit ug second hand helicopters sa PNP niadtong 2009.
Giwagtang na usab sa anti graft court ang hold departure order batok kang Verzosa ug uban pang respondent nga giabswelto ug gimando nga ibalik ang ilahang cash bonds.
Nahilakip sa mga giabswelto sa Sandiganbayan sa kasong graft sila si Police Deputy Director General Jefferson Soriano, Police Superintendent Roman Loreto, Police Director George Piano, Pol. Supt. Luis Saligumba, Pol. Supt. Job Nolan Antonio, Police Superintendent Edgar Paatan, Police Chief Inspector Maria Josefina Recometa, Police Superintendent Claudio Gaspar Jr., SPO3 Ma. Linda Padojinog, PO3 Avensuel Go Dy ug Ruben Gongona.
Samtang lima usab sa mga akusado ang gihukmang guilty beyond reasonable doubt.
Kini ang gilangkuban ni P/Dir. Luizo Ticman, P/Dir. Ronald Roderos, P/Dir. Romeo Hilomen, P/Dir. Leocadio Santiago Jr. ug Hilaro de Vera gihukman ang mga nahisgutan nga makulong gikan unom hangtod sa walo katuig ug dugang silot nga tibuok kinabuhi nga gidid-ang makatrabaho sa gobyerno.
Gimando-an ang lima ka mga respondent nga magbayad ug civil liability nga mo-abot sa P11,377,153.23 sa matag unit sa duha ka pre-owned Robinson Robinson R44 Raven 1 helicopters nga adunay 6% interest per annum.
Samtang si Police Director Ronald Roderos ang napamatud-ang guilty sa kasong falsification of public document ug gihukmang mabilanggo gikan sa upat hangtod walo katuig.
Nag-ugat ang kaso sa matod pa secondhand helicopters nga gipanag-iyahan ni kanhi First Gentleman Jose Miguel Arroyo ug gibaligya sa PNP kung diin gipasa isip brand new.
Tuig 2012, gideklara sa Office of the Ombudsman nga nakahatag ug undue inmjury sa gobyerno ang nahisgutang deal nga mo-abot sa P34.6 million.
