Gikumperma sa Bureau of Immigration (BI) nga nakabalik na sa Pilipinas si retired police colonel Royina Garma, ang kanhi general manager sa Philippine Charity Sweepstakes Office (PCSO) nga giimbistigahan sa pagkalambigit niini sa drug war ni kanhi Pangulong Rodrigo Duterte ang utok usab kuno sa pagpatay kang kanhi PCSO board secretary Wesley Barayuga kaniadtong 2020.
Nahi-abot si Garma sa Ninoy Aquino International Airport (NAIA) gikan sa Los Angeles, California. Kahinumduman, migawas kaniadto sa nasud si Garma atol sa imbestigasyon sa matod pa mga pagpatay sa war on drugs sa kanhi administrasyon kung diin nahilakip ang pangalan ni Garma sa mga panghitabo.
Sa House Quad Committee inquiry, gibutyag ni Garma nga gimando-an kini sa pangulo nga mangita ug usa ka officer aron himuon sa tibuok nasud ang Davao model sa war on drugs. Adunay reward money sa matag mapatay nga drug suspek. Apan nababagan si Garma sa mga awtoridad sa California, USA kaniadtong Nobyembre 7, 2024 gumikian sa kanselado niining visa. Lima ka bulan ang nakalabay sukad nga naaresto si Garma, gipahayag sa abogado niini nga nangayo ang nahisgutan ug asylum.
