DAVAO CITY – Giyagyag ni kanhi Pasaka Confederation of Lumad Organization secretary-general Christony “Jong” Monzon nga ang napatay nga sila si Chad Booc, Jojarain Alce Nguho II, ug laing tulo ka mga miyembro sa New People’s Army (NPA) ang namatay sa engkuwentro tali sa militar kaniadtong Pebrero 24, 2022 sukwahi sa pasangil sa progresibong grupo nga massacre ang nahitabo.
Sumala pa sa nahisgutan nga kaila niya si Chad Booc sa Manila Bakwit School, sa Lumad school sa Lakbayan sa Manila.
Gani nagkita na matud pa sila sa UP (University of the Philippines) Diliman. Gani nakauban na matud pa niya si Booc, sa tulo ka mga encounter.
Duruha ka bulan na matud pa kini nga misulod pagka-rebelde ayha ang insidente ug kinahanglan nga muhupot gayud ug armas gumikan kay mandato sumala pa kini.
Atol sa iyang pagtahan sa Mati City , nahinumduman sab niini si Booc ug Nguho sa ilang grupo alang sa armed struggle kaniadtong Disyembre 23, 2021.
Gani magkauban matud pa sila atol sa Christmas ug New Year ug isip magkauban sa white area operations sa kumunistang kalihokan, nagkahinabi sumala pa sila ug gisaway ang ilang grupo kalabot sa ilang sitwasyon.
Gani nananghid na matud pa sila ilang commanders nga mubalik sa ilang panimalay apan wala sumala pa sila gitugtan niini.
Hugtanon sab nila nga gipanghimakak ang pahayag sa Save Our Schools Network nga nagpahigayon sila ug research works sa Barangay Andap, New Bataan.
