-- ADVERTISEMENT --
DAVAO CITY – Padayon ang imbestigasyon sa kapolisan sa Buhangin Police Station sa natigayon nga pagpamusil patay sa usa ka lalaki sa Jade Valley pasado alas 5:00 kaganinang buntag.
Una nang naila ang biktima nga usa ka Eduardo Ty, kanhi Manager sa Bangko nga gipusil patay samtang nagmaneho sa iyang sakyanan.
Nasayran nga lima ka mga samad pinosilan sa ulo ang nahi-aguman sa biktima.
Sumala sa mga nakakita sa krimin, usa ka sakyanan ang mitapad sa biktima ug gipusil makatulo.
Gikanayon sa saksi nga human sa pagpamusil mikanaug pa ang suspek ug gipusil ang biktima makaduha ka higayon hinongdan nga nakahi-agum kini ug lima ka mga samad pinosilan.
-- ADVERTISEMENT --
Labihang nakasinggit ug panabang ang biktima apan wala gayud kini maluwas gikan sa suspek.
