DAVAO CITY – Arestado ang usa ka kanhi myembro sa NPA sa kamot sa mga sakop sa mga otoridad atol sa manhunt operation sa Purok 8 Barangay Poblacion, Monkayo, Davao De Oro, ning nilabayng adlaw.
Giila sa CIDG, PNP ug Philippine Army ang dinakpang si Hannah Alcorin Hitgano, alyas Kat, 23 anyos, usa ka kanhi Secretary General sa ANAKBAYAN ug Youth Sector Cultural Staff sa Regional White Area Committee, Southern Mindanao Regional Committee sa CPP-NPA.
Nasikop si Hitgano pinaagi sa gipakanaog nga warrant nga 11th Judicial Region, Branch 17, Davao City sa kasong Rebellion and Insurrection ilawom sa Article 134 sa Revised Penal Code.
Anaa na sa kustodiya sa 25th Infantry Battalion Philippine Army sa Monkayo, Davao De Oro ang maong dinakpan.
via || Bombo LJF
