DAVAO CITY – Nag-atubang ug kaso nga kalapasan sa Republic Act 9165 o Comprehensive Dangerous Drug Act of 2002 ang usa ka kanhi empleyado sa mall human nga nasakpan sa akto nga namaligya ug illegal nga druga alas 6:45 kagabii ug nadakpan sa mga sakop sa San Pedro PNP.
Naila ang suspek nga usa ka Datu Nastro Raher Makagkaid Culano alyas Datu, 28 anyos, minyo.
Gipangunahan ang buy-bust operation nila ni Police Chief Inspector Ramil Macarampat ug PDEA agent Ginalyn Tan.
Gipahigayon kini sa Penguin St., Phase 2, Ecoland, ning dakbayan sa Davao diin napalit gikan kang Culano ang usa ka sachet sa gikatuohang shabu, lain pang sachet sa shabu ang nasakmit gikan sa iyang posisyon lakip na ang marked money.
Gibanabana nga dili moubos sa dos mil ka ang kantidad sa mga nasakmit nga illegal nga droga.
