DAVAO CITY – Pormal na nga giduso ni kanhi Davao City Information Office (CIO) chief Jefry Tupas ang kasong cyber libel ug mi-demand kini P10 million sa damages batok kang Vice-Presidential candidate Walden Bello tungod sumala pa sa mga malisyonong pahayag niini.
Kahinumduman nga una ng gi-akusahan si Tupas ni Bello nga usa matud pa kini nga drug dealer ug nasikop kauban ang iyang mga higala ug nakuhaan ug P1.5 million nga kantidad sa illegal nga druga dungan sa gipahigayon nga drug raid sa milabay nga Nobyembre 6, 2021 sa Davao de Oro.
Unod sa affidavit complaint sa nahisgutan nga nakalapas sumala pa si Bello sa Republic Act 10175 o Cybercrime Prevention Act of 2012.
Tanan matud pa nga akusasyon ni Bello ngadto kaniya ang susama nga baka, unfair, malisyoso ug dili niya madawat nga maoy hinungdan sa iyang emotional distress.
Subli sab nga gipanghimakak ni Tupas nga nasikop siya atol sa nahisgutan nga raid ug wala sab siya napasakahan sa bisan unsa man nga kaso nga adunay kalabutan sa illegal nga druga.
Ang gihimo sumala pa nga pagpangatake kaniya ni Bello sza Social media ang nahimong hinungdan sab nga nakadawat siya ug mga pagpanaway.
Isip usa ka private citizen, wala matud pay katungod si Bello nga dauton ang iyang pangalan ug reputasyon.
Gitataw ni Atty. Caesar Europa, legal counsel ni Tupas, mamahimong moduso sab siya ug reklamo sa Facebook sanglit nagpabilin pa gihapon ang maong post ni Bello.
