Gibutyag sa upat ka kanhing bodyguard ni kanhing Ako Bicol Party-list Rep. Elizaldy “Zaldy” Co nga ang gitawag nilang “18 Maleta Boys” giingong gitukod aron gamiton sa pagpangilkil ug pag-blackmail batok sa pipila ka iladong politiko ug mga hataas nga opisyal pinaagi sa mga alegasyon sa paghatod og mga maleta nga puno sa salapi.
Kahinumduman, gibawi sa upat sa 18 ka kanhing bodyguard ang ilang unang gipanumpaang pahayag batok nila Pangulong Ferdinand Marcos Jr., Leyte Rep. Martin Romualdez ug Zaldy Co, human matud pa nila nga ilang nasayran ang giingong tinuod nga katuyoan sa grupo.
Sumala sa ilang bag-ong gipanumpaang pahayag, nag-usab-usab kuno ang mga ngalan sa mga personalidad nga gidawit sa mga alegasyon. Dugang pa niini, ilang gipasanginlan ang ilang abogado nga si Atty. Levito Baligod nga misaad kuno og dakong kantidad sa kuwarta kon magmalampuson ang giingong plano.
Hinuon, hugot kining gihimakak ni Baligod. Matud pa niya, walay kamatuoran ang mga alegasyon ug wala siya misaad og kuwarta baylo sa pagpirma sa mga affidavit.Samtang, mibarug si George Villalon, usa sa mga kanhing bodyguard nga wala mibawi sa iyang pahayag, ug giingong gitanyagan og P20 milyon hangtod P25 milyon ang upat ka testigong mibawi sa ilang testimonya.
Giingon usab niya nga gitanyagan siya og kuwarta apan iyang gisalikway.Sa kasamtangan, nagpadayon ang Bombo Radyo sa pagkuha sa reaksyon sa ubang mga personalidad nga gih
