Nakadawat ug daghang batikos online ang kandidato nga konsehal sa Cabuyao, Laguna nga si Bobby Yan tungod sa paggamit sa litrato sa iyang namatay nga igsuon ug aktor nga si Rico Yan sa iyang mga campaign poster.
Daghang Pilipino ang wala nakapugong sa ilang mga reaksyon ug nagpakita og pagduha-duha sa desisyon sa television host nga iapil ang litrato sa iyang namatay nga igsuon sa campaign materials.
Nagbinuang pa gani ang usa ka netizen ug nangutana, “Si Rico ba ang modagan?”
Gikwestiyon usab sa usa ka online user kung unsay kalabotan sa iyang igsuon nga namatay sa iyang pagdagan nga wala naman kuno kini sa kalibutan.
Adunay uban nga nasimang o naka-feel og “cringe” ug miingon nga angay na unta pasagdan ang namatay nga aktor nga magpahulay na.
Apan adunay usab uban nga miingon nga dili ra si Bobby Yan ang naggamit sa ilang namatay nga kapamilya. Gihatag nilang pananglitan ang mga party-list sama sa FPJ Panday Bayanihan nga naggamit sa legado ug kasikat sa namatay nga action star nga si Fernando Poe Jr. sa ilahang kabanay.
Si Bobby Yan mao ang magulang nga igsuon sa sikat nga matinee idol sa dekada nobenta nga si Rico Yan, nga namatay sa edad nga 29 niadtong 2002 tungod sa acute hemorrhagic pancreatitis nga miresulta sa cardiac arrest.
Samtang karon, wala pa’y balaod sa nasud nga nagdili sa mga kandidato nga gamiton ang litrato sa mga namatay nga personalidad sa ilahang campaign materials.
