Gipahimangnoan sa Commission on Elections (Comelec) ang tanang kandidato nga midagan sa eleksyon nga magsubmitar na sa ilang Statement of Contributions and Expenditures (SOCE).
Matod ni COMELEC Chairman George Garcia, ang tanang kandidato daug man o pildi gikinahanglan nga magsumite sa ilang SOCE hangtod Hunyo 11.Ang mga kandidato nga mapakyas sa pagsumite sa gihatag nga petsa dili tugutan nga molingkod sa ilang katungdanan.Sa maong SOCE, makita ang kinatibuk-ang gasto sa kampanya sa kandidato, lakip na ang tanang kontribusyon ug donasyon nga ilang nadawat.
Ang tanang dokumento kinahanglan ipa-notaryo, ug kung kini peke-on, posible silang pasakaan og kaso nga perjury.Samtang, ang mga wala magamit nga campaign fund pwede ideklarar ug iduso ngadto sa Bureau of Internal Revenue (BIR) alang sa buhis nga pagproseso niini.
