-- ADVERTISEMENT --
DAVAO CITY – Hingpit na nga nailog sa tropa sa kagamhanan ang kampo sa mga rebeldeng New People’s Army (NPA) sa Mati City, Davao Oriental atol sa engkwentro sa kasundalohan nga sakop sa 28th Infantry Battalion Philippine Army ug mga rebeldeng NPA sa Barangay Don Salvador ug Tagbinonga, Mati City, Davao Oriental.
Ang nailog nga kampo gikan sa mga rebeldeng NPA mao na ang ika-37 nga kampo nga nailog sa mga sundalo sukad nga gibawi sa kagamhanan ang unilateral ceasefire duha ka bulan na ang nakalabay.
Sumala pa kang Captain Rhyan Bachar nga magpadayon ang ilang gilusad nga hot pursuit operation batok sa mga NPA gumikan kay dunay mga rebelde nga naka-ikyas, apan padayon gihapon nga naglihok sa Mati City.
