Gipasabot sa kampo ni Vice President Sara Duterte nga dili usa ka hulga ang ilang pahayag nga mahimo usab maatubang sa susamang kahimtang ang ubang impeachable officials, lakip na ang Pangulo, kon mahimong kasohan ug usbon ang usa ka bise presidente nga anaa sa puwesto.
Sumala pa sa kampo sa bise presidente, maoy tubag kini sa pangutana ni Palace Press Officer Claire Castro kung nagpagawas ba usab og bag-ong hulga ang kampo ni Duterte. Gipaklaro ni Atty. Paul Lawrence Lim, legal counsel ni Vice President Sara Duterte sa kaso nga grave threats, nga statement of fact lamang ang maong pahayag ug dili usa ka hulga.
Gipunting usab niini nga dili lamang ang bise presidente ang mahimong maapektuhan sa maong sitwasyon tungod kay adunay ubang opisyal sa gobyerno nga giila usab nga impeachable officials ubos sa Konstitusyon. Dugang pa, gipangutana ni Lim kung ang usa ka bise presidente nga anaa pa sa puwesto kinahanglan bang moatubang dayon sa kaso o mahimo kining atubangon human sa iyang termino.
Kahinumduman nga una nang gihangyo sa kampo ni Vice President Sara Duterte ang korte nga ibasura ang mga kasong grave threats, tungod sa giingong kakulang sa hurisdiksyon sa korte. Lakip sa ilang gihimo ang pagpasaka og mosyon aron dili pa ipatuman ang arrest warrant, samtang gihulat ang desisyon sa korte bahin sa isyu sa hurisdiksyon.
Sa kasamtangan, nagpadayon ang legal nga proseso may kalabotan sa mga kasong giatubang ni Vice President Sara Duterte.
