DAVAO CITY – Nangandam na matud pa karon ang abogado ni Senator Manny Pacquiao sa mga iduso nga kaso batok kang Kingdom of Jesus Christ pastor Apollo Quiboloy gumikan sa mga nahimong akusasyon niini nga adunay anomalya sa gitukod nga sports complex sa Sarangani nga bilyon ang kantidad.
Una ng gibutyag ni Sen. Pacquiao nga tuig 1996 pa gitukod ang maong sports complex ug wala pa siya nagtrabaho sa gobyerno sa nahisgutan nga panahon.
Gitataw sa senador nga moduso siya ug reklamo kang Quiboloy gumikan kay gidaut sumala pa ang iyang pangalan sa Social Media bisan nga walay kamatuoran ang mga pasangil batok kaniya.
Gitino sab niini nga ang gitudlo sumala pa nga P1.3 bilyon nga sports complex ni Quiboloy mao sumala pa ang proyekto ni Sen. Bong Go didto sa Bataan.
Samtang ang ayha sumala pa ang Oktubre 1, mahibaw-an na matud pa sa katawhan ang iyang mamahimong desisyon kung mokandidato siya pagka-pangulo; subli nga magpapili pagka-senador ug mobiya na sa politika.
Mahibaw-an sab sumala pa kung ipadayon pa niya ang pagboksing o moretiro na.
