Muduso karun ug dugang mosyon ang abogado ni Pastor Apollo Quiboloy nga si Atty. Israelito Torreon alang sa hangyo niini nga ipahospital o ipahouse arrest na lamang ang maong Pastor.
Sigon niini, pending matud pa ang una nang giduso niini nga mosyon nga gahangyo karun sa korte nga ipailawom na lamang sa hospital arrest si Pastor Quiboloy, gumikan sa mga existing conditions niini.
Dugang pa, limitado na sumala pa ang ilahang ginabutyag nga mga impormasyon labot sa kaso ni Quiboloy, gumikan nakasang-at na matud pa kining mga kaso sa Korte.
Una nang naghangyo ug hospital arrest ang kampo ni Pastor Quiboloy, gumikan sa mga physical conditions niini nga nasinatian.
Apan, gibutyag ni DOJ Sec. Boying Remulla, nga imposible matud pa kining matagaan ug pagtugot sa korte, gumikan gipakapoy-kapoy matud pa sa Pastor ang mga kapulisan sa pagpangita kaniya.
Sa karun, nakadetene gihapon si Pastor Apollo Quiboloy sa custodial facility sa PNP sa Camp Crame.
