DAVAO CITY – Gipangita na karon sa Federal Bureau of Investigation (FBI) si Kingdom of Jesus Christ (KJC) founder ug pastor Apollo Carreon Quiboloy ug ang duha ka mga miembro sa simbahan niini.
Sa gipagawas nga wanted poster sa FBI, makita ang hulagway ni Quiboloy, Teresita Tolibas Dandan ug Helen Panilag.
Nag-atubang si Quiboloy ug kaso gumikan sa partisipasyon niini sa labor trafficking scheme diin ginadala niini ang iyang mga miembro sa simbahan paingon sa US gamit ang mga pekeng visas.
Sumala sa FBI ginapugos ni Quiboloy ang mga miembro niini nga mangayo ug donasyon alang sa bugos nga charity diin ang kuwarta gamiton inay sa operasyon sa ilang simbahan ug sa garbusong kinabuhi sa nahisgutang church leader.
Dugang pa sa FBI, ang mga babaye nga iyang ginakuha ang nagtrabaho isip personal assistants nga pugsanon sumala pang makighilawas sa pastor.
Kahinumduman nga niadtong Nobyembre sa nakalabay nga tuig, naduot sa korte sa US si Quiboloy ug pipila ka mgma opisyal sa simbahan gumikan sa pagpadagan ug sec trafficking operation ugt pagbahad sa mga biktima. Gipagawas ang warrant of arrest kang Quiboloy niadtong Nobyembre 10, 2021.
Apan, hangtud karon nagpabilin pang walay pahayag nga gipagawas ang kampo ni Quiboloy.
Apan sa gipadangat nga mensahe sa bombo radyo davao ni Atty Israelito Torreon ang kanhi legal council ni Quiboloy, gipasalig niini nga mohatag ra ug official statement ang pastor sa dili madugay.
