DAVAO CITY – Gikanayon ni Atty. Dinah Tolentino Fuentes, Kingdom Legal Counsel Davao, nga gisugdan na matud pa karon sa kampo ni Pastor Apollo C. Quiboloy ang proseso sa pagduso ug kaso batok sa mga nagmugna ug mga malisyoso nga pahayag o pagpangdaut sa giilang “appointed son of god”.
Sumala pa kang Atty. Fuentes, dili lang kini lakang ni Pastor Quiboloy kung dili lakip na mga tawo nga kabahin sa ilang ministriya ug sa mga wala na nalipay sa pagpangdaut sa pangalan sa Pastor dili lamang sa National news apan lakip na sa international news, sa facebook ug sa uban pang mga social media forum.
Maghulat lamang sumala pa gumikan kay gisugdan na nila ang proseso niini sa tibuok Pilipinas. Kahinumduman nga una ng gibutyag ni Atty. Ferdinand Topacio nga usa ka sagpa ang gipagula nga wanted poster sa Federal Bureau of Investigation (FBI) gumikan kay wala kini nakaapekto kang Pastor Apollo C. Quiboloy inay nagpahigayon pa kini ug live streaming dungan sa paghalad ug “Anointed Songs of Healing”.
Pamatuod lamang matud pa kini nga anaa lamang dinhi sa dakbayan sa Pastor Quiboloy ug wala nagtago-tago. Gipasalig sab sa kampo ni Pastor nga motuman sila sa balaod sa higayon nga extradition request ang US State Department.
Apan dili sumala pa basta-basta na lamang nga kontakon si Pastor sa Federal Bureau of Investigation (FBI) sa Amerika sanglit mo-agi pa kini sa daghanang proseso pinasikad sa international law ug sa batakang balaud sa nasod.
Kahinumduman nga gipagula ang wanted poster sa FBI gumikan sumala pa sa kasong sex trafficking ni Pastor Apollo ug uban pang kaso kauban ang lain duruha ka mga kaubanan niini sa ministriya.
Kikuwestiyon sab ni Atty. Topacio ang timing sa pagpagula sa nahisgutan nga wanted poster ilabi na karon nga nagkaduol na ang eleksiyon sa bulan sa Mayo. Si Pastor Quiboloy ang usa sa mga iladong higala ni Pangulong Rodrigo Duterte.
