DAVAO CITY – Nagpagawas na og opisyal na pamahayag ang legal counsel sa Kingdom of Jesus Christ, ang religious organization ni Pastor Apollo C. Quiboloy, kalabot sa sex trafficking case niini nga gipasang-at sa Estados Unidos kagahapon, diin aduna kini kalambigitan sa alegasyong pakighilawas sa Pastor ug sa ubang opisyal sa simbahan ngadto sa mga babayeng nagpangidaron og 12 hangtod 25 anyos.
Gikanayong usa lamang sumala pa kini ka pagpangdaut sa Pastor ug dili kini makaapekto sa ilang pagtoo ingon man pagpadayon sa ilang misyon sa simbahan.
Sama sa uban nga kaso nga giduso batok kang Pastor Quiboloy, andam ang ilang legal counsel nga atubangon kini.
Magpadayon lang sab ang ilang simbahan ug ang mga alagad niini nga ipadayon ang ilang misyon ug divine calling taliwala sa mga pagpangdaot kanila.
Dungan sa pagdako sa ministeryo ang pagdaghan usab sa oposisyon niini nga laraw dauton ang ilang simbahan.
Nagatuo usab sila nga malupig sa kamaayo ang kamaot, luyo sa pangpadaut sa pipila.
Ang mga nag-akusa sumala pa sa Pastor kagahapon sa California ang sama ra gihapong grupo nga pakyas sa ilang pagsulay nga mabalhog sa prisohan si Pastor Quiboloy.
