Nagsumite og apela ang kampo ni kanhing Pangulong Rodrigo Duterte sa Pre-Trial Chamber 1 kabahin sa ruling pre-detention sa kanhing pangulo.
Sumala kang lead counsel Nicholas Kaufman, lakip usab sa ilahang apela ang pagpagawas sa kanhing pangulo.
Gipasabot sa dokumento nga ilahang gisumite nga adunay sayop ang Pre-Trial Chamber 1 sa wala nila pagdawat sa hiniusang medical report gikan sa neurologist ug neuropsychologist.
Nakalatid sa mga medical expert nga girekomenda sa kampo ni Duterte nga nag-atubang og mga problema sa kahimsog ang kanhing pangulo.
Gibutyag pa ni Kaufman nga klaro nga adunay kakulangan ang kanhing pangulo sa executive functioning, ug nakaangkon usab kini og problema sa kapasidad sa pagplano ug paspas nga pagdesisyon.
Ang maong apela giduso isip tubag sa mando sa Appeals Chamber sa International Criminal Court.
Gitugotan usab sa Deputy Prosecutors ang Legal Representatives sa mga Biktima nga magsumite og appeal brief hangtod Pebrero 12.
Kahinumduman nga una nang gisalikway sa ICC ang hangyo sa kampo ni Duterte alang sa indefinite adjournment ug nakita nila nga adunay kapasidad ang kanhing pangulo sa pag-atubang sa pagdungog.
Gitakda ang confirmation of charges hearing sa umaabot nga Pebrero 23, 2026.
