Nagsubmitar ang kampo ni kanhi Pangulong Rodrigo Duterte ug gihi-usang report gikan sa mga gikuha nilang medical experts.
Matod pa sa abogado sa kanhi pangulo nga si Nicholas Kaufman, ang nahisgutang lakang ang suporta sa pahayag nila sa tinuod nga kahimtang sa panglawas sa 80-anyos nga kanhi pangulo ug kung nganong pagawason na kini gikan sa pagkabilanggo sa International Criminal Court (ICC) facility.
Sa dose ka pahinang report nga gisubmitar nila sa ICC Pre-Trial Chamber 1 nga nagkanayon nga ang bag-ong medical evidence mao ang pagsuporta sa Pre-Trial Chamber sa panglawas sa kanhi pangulo sa pag-atubang niini sa pagdungog.
Nakabutang usab sa joint report nga ang kanhi pangulo ang nagkulang ug executive functioning, nakaangkon usab ug kakulang sa kapasidad magplano, kulang usab sa paspas nga magdesisyon ug nagkulang sa kusog pisikal.
Gumikan niini, walay katakus ang kanhi pangulo nga hulgaon ang mga witness ug dauton ang integridad sa imbestigasyon.
Samtng kahinumduman niadtong Disyembre 5, 2025 nagbutang ang ICC ug panel of experts nga milantaw sa panglawas sa kanhi pangulo kung adunay katakus ba kining mutambong sa pagdungog sa kaso niini.
Nabilanggo ang kanhi presidente gumikan sa kasong crime against humanity gumikan sa kampanya niini batok sa iligal nga droga kaniadtong pangulo pa kini sa nasud ug pagka-mayor sa dakbayan sa Davao.
