Gikontra sa kampo ni kanhi Pangulong Rodrigo Duterte ang hangyo sa prosekusyon sa International Criminal Court (ICC) nga susihon ang iyang mga personal nga gamit ug pugngan ang paggamit sa bisan unsang kuwarta nga nakuha human sa iyang pagdakop ug pagdala sa The Hague sa miaging tuig.
Sumala pa sa depensa, wala nay praktikal nga katuyoan ang pagpugong sa paggamit sa maong kuwarta tungod kay anaa na kini sa kustodiya sa ICC Registry.
Dugang pa niini, kon aprobahan sa korte ang hangyo sa prosekusyon, gihangyo sa kampo ni Duterte nga masiguro nga dili moubos ang bili sa bisan unsang kuwarta nga nakumpiska.
Lakip sa ilang gihangyo, dili usab unta tugotan ang prosekusyon nga susihon ang mga yawe ug uban pang personal nga mga butang nga nakumpiska, tungod kay matud pa mahimong malapas ang iyang katungod sa pribasiya, lakip na ang pribasiya sa iyang mga sakop sa pamilya.
Sa kasamtangan, gipahayag sa ICC Registry nga andam kini sa pagtuman sa bisan unsang mando nga ipagula sa Trial Chamber III
