DAVAO CITY – Isip kabahin pa gihapon sa kasaulogan sa Fire prevention Month sa Davao region, gilusad sa Bureau of Fire Protection (BFP) 11 ang Kaisa: Call to Action Against Destructive Fire Campaign.
Sumala pa kang SFO4 Ramil Gillado, hepe sa Intelligence and Investigation Section sa City Fire District nga laraw lamang nila nga masayud ang publiko, local government units, line government agencies mga dagko ug gagmay nga mga private companies nga makighiusa sa ilang kampanya aron nga malikayan ang mga insidente sa sunog.
Gikanayong ang fire prevention makonsidera sumala pa nga concern sa matag bombero. Namatikdan sumala pa sa nahisgutan nga karong panahon, daghanang mga residential areas ang delikado sa sunog ilabi na kadtong mga pinuy-anan nga gama lamang sa mga light materials.
Gi-awhag sab ni Gillado ang publiko ilabi na ang mga residente nga mopartisipar sa mipahigayon nga mga exercises kung paunsa malikayan ang sunog.
Mas maayo sumala pa nga momugna ug plano ang local government aron makamugna ug mga pamaagi paunsa malikayan ang sunog.
Nasayran sa opisyal nga sulod lamang sa bulan sa Marso ning kasamtangan nga tuig, anaa sa 22 ka mga 22 fire incidents ang natala apan mas ubos kini kung itandi sa susama nga bulan ug period sa milabay nga tuig diin anaa sa 67 ka mga fire incidents ang natala.
