DAVAO CITY – Nanawagan og hustisya ang lokal nga panggamhanan sa Panabo City, Davao del Norte sa kamatayon sa 19 anyos nga si Rea Mae Tocmo, kinsa naplagan ang patayng lawas sa South Verdana Subdivision, Barangay Tisa, Cebu City niadtong adlawng Lunes, Hulyo 17.
Sumala sa report, napalgan ang patayng lawas sa biktima nga gibalot matud pa sa packaging tape ug puti nga habol ug giputos sa cardboard box, ug gibilin ngadto sa gilid sa dalan maong barangay sa Cebu City.
Samtang sumala pa sa imbistigasyon sa mga kapulisan nga adunay mga bun-og ug gasgas ang kalawasan sa maong biktima nga gidudahang niagi kini ug pagpaantos una gipatay.
Positibo nga giila sa pamilya ang patayng lawas sa biktima maong nanawagan kini og hustisya sa maong panghitabo.
Nagpaabot sab og pahasubo ang Panabo City LGU ngadto sa pamilya ni Tocmo.
via || Bombo LJF
