Aduna nay person of interest sa pagpusil-patay kay Kapitan Brendan Castro sa Cateel Davao Oriental, kaniadtong nakalabayng adlaw.
Kahinumduman nga samtang anaa kini gawas sa Brgy. Hall niadtong tungora, kalit nga miabot ang duha ka sakay sa motosiklo ug dayong gipusil ang biktima nga maoy hinungdan sa iyang hinanaling kamatayon.
Subay sa gihimong imbestigasyon sa mga kapulisan, aduna na silay ginatutokan nga person of interest apan padayon pa gihapon ang ilang pagkaylap og mga ebidensya aron sa kasulbaran sa maong insidente.
Walo ka pinusilan matud pa ang naangkon sa kapitan rason nga gilayon kining nakabsan sa iyang kinabuhi.
Ning kasamtangan, ginatun-an sa mga kapulisan ang tanang anggulo aron makamugna og kompletong detalye sa pagsuta sa motibo sa krimen.
Kahinumduman nga ang biktima mao ang bana ni Davao oriental Board Member Tata Castro ug bayaw ni Cateel Mayor Emilou Nuñez.
