KAMARA, girekomenda ang pagpasaka og kaso kang VP Sara

Girekomenda sa House of Representatives ang pagpasaka ug kaso kang Vice President Sara Duterte ug sa uban pa gumikan kuno sa technical malversation, perjury, bribery ug plunder.

Adunay kalabutan ang kaso sa dili insaktong pagamit sa confidential funds sa Office of the Vice President ug sa Department of Education.

Sa gipahigayong plenary session, gipalig-on sa lower house ang committee report sa House Committee on Good Government and Public Accountability nga mao ang muhimo sa pagdungog sa kaso.

Subay sa committee report, ilahang napamatud-an sa committee hearings nga adunay anomalya sa P50 milyon nga public fund samtang ang confidential funds ang wala nagamit ug insakto nga mubalor sa P612.5 milyon.