DAVAO CITY – Gipasabot ni Davao City Mayor Inday Sara Duterte Carpio ang kamahinungdanon sa paggamit o pagsuot ug facemask sa tanan panahon ilabi na kung anaa sa trabaho o sa mga pampublikong lugar diin imposible ang physical distancing karon panahon nga nagpabilin ang bahad sa coronavirus pandemic.
Ang pahayag ni Mayor Inday tipik lamang human nga pipila ka mga empleyado partikular na kadtong anaa sa Business Process Outsourcing (BPO) o call centers, ang dili sumala pa komportable nga mosuot ug mask samtang nakighinabi sa ilang mga customers.
Sumala sa Mayor nga gipasabot na sa doktor kung unsa kataas ang risgo nga mataptan ug virus ang mga wala nagsuot ug facemask kung itandi sa mga nagsuot niini.
Gikanayong ang asymptomatic nga pasyente ug usa ka indibidwal nga negatibo sa virus ang dali lamang nga matakdan ilabi na kung anaa lamang sila sa usa ka lawak.
Gani taas sab sumala pa ang risgo nga matakdan bisan nga nagsuot ug mask apan wala nagsuot niini ang usa ka asymptomatic person nga nakahimamat.
Gitataw sab ni Mayor Inday nga kung anaa lamang sa usa ka lawak ang duruha ka indibidwal nga natrabaho apan six-feet ang gilay-on nila sa usag-usa, ubos lamang sumala pa ang tsansa nga matakdan sa virus.
Makatabang sab sumala pa ang face mask aron nga protektahan ang mga tawo nga dali lamang nga matakdan sama sa mga bata, senior citizens, ingon man kadtong adunay existing disease o mipailalom sa pagtambal.
