Tulo ka katawo ang nasayran nga namatay human sa kalit nga pagbaha nga nahitbao sa syudad sa Ruidoso, New Mexico tungod sa kusog nga ulan.
Ang pagbaha resulta sa monsoon rains nga misobra sa lebel sa tubig sa Rio Ruidoso river, nga misaka hangtod 20 ka piye nga labaw sa karaang rekord.
Sumala ni Mayor Lynn Crawford, nagpahayag kini og kagul-anan sa maong panghitabo ug nagpaabot sa iyang simpatiya ug panawagan sa panaghiusa taliwala sa trahedya.
Nagpadayon ang mga search and rescue operations diin kapin sa 85 ka water rescues na ang nahimo, lakip ang mga na-trap sa ilang balay ug sakyanan.
Sumala sa New Mexico Department of Homeland Security, dili pa sigurado kung adunay tawo sa balay nga nakit-an sa video nga gi-anod sa baha.
Gipasalig usab nga ang pagbaha napalalom pa tungod sa burn scars nga nabilin sa wildfire niadtong miaging tuig.
Nagbukas ang lungsod og temporaryo nga evacuation center para sa mga residente nga napugos nga mabiya sa ilang mga panimalay.
Ang maong insidente nahitabo pagkahuman sa dako nga pagbaha sa Texas nga mitapos sa kinabuhi sa kapin 120 ka mga tawo og aduna pa’y na-missing.
