Mga Higala Komusta Ug Maayong Buntag!
Sa nakalabay nga semana sagunson na ang mga engkwentro tali sa tropa sa gobyerno ug mga giingong New People’s Army sa mga kabukiran nga ilahang gipangtaguan dinhi sa atong rehiyon ug sa mga lugar nga ilawom sa kamanduan sa eastern Minadanao Command. Gani sa nahitabong gyera, miresulta kini sa pagkamatay sa myembro sa mga rebelled nga ang ulahi niini ang usaka babae ug lalaki nga mga lider sa NPA nga naglihukan sa kabukiran diha sa probinsya sa davao Del Sur. Maayo nalang kay sa tropa sa kagamhanan wala kaayo’y nawd-an ug kinabuhi pero dili kalikayan nga duna poy masamdan tungod kay tao lang pud sila nga mahimong madutlan sa mga bala gikan sa kalaban.
Hangtod kanus-a ang gyera batok niining mga tawhana nga nakigkumbati sa mga tropa sa atong gobyerno.Kung atong hunahunaon, wala naman gyud kini sila”y ikapanalipod karon sa mga kasundaluhan kung hisgutan nato ang mga moder nong kagamitan sa mga military tungod sakto naman kini ug suporta ilawom sa pagdumala sa Commnder In Chief sa AFP nga si pangulong Rodrigo Duterte. Mao ng maka-ingon kita nga sakto ang mga panawagan, angayan na gyud silang munaog sa patag ug makighiusa ug balik sa atong gobyerno kay dunay naghulat nga kaayuhan alang sa kaugmaon dili lang sa ilaha ilabi na sa ilang tagsa-tagsa ka mga pamilya.
Kagahapon ang usa ka rebelde nga myembro sa NPA didto sa Davao Del Sur, mipadangat sa iyahang pagpasalamat sa kagamhanan kabahin sa kaayuhan nga iyahang nasinatian sa kamot sa mga militar nga sukwahi sa iyahang nasayran kaniado nga kung usa ka higayon niana nga sila mudesisyon sa paghunong sa ilahang pakigbisog batok sa atong gobyerno makahigom sila ug kulata sa mga sundalo , apan gipamatud-an kini sa mga kasundaluhan nga sayop ang gipakatag niini didto sa ilang kalihukan ug layo kini sa kamatuoran.
Ang gibuhat sa usa ka surenderee piaaagi sa pagtahan sa iyahang kaugalingon sa sabakan sa atong gobyerno,makaayo alang sa iyahang kaluwasan. Kay tiaw mo na nga subay sa iyahang gipang-istorya sa dihang nakig=engkentro sila sa tropa sa gobyerno, sunod-sunod man ang mga bala sa kanyon, ug naa pa gyuy mga bala nga naggikan sa kahanginan nga nagkatibulaag sila sa pagpanagan nga maoy hinungdan nga siya mitahan na lang kay wala naman siyay padulngan. Sa iyahang desisyon, gisalbar niya ang iyahang kaugalingon gikan sa kamatayon, maayo na lang kay nakadan pa siya niadtong tungura ug wala maigo sa mga dagkong bala sa kanyon sa mga sundalo.
Sakit man pamalandungon nga nag-inunayay ra kita sa pagpatay gumikan lang sa managlahing baruganan. Managlahing prinsipyo kabahin sa hisgutanang pulitika ug lakip na ang hisgutanang ekonomiya. Naay uban nga midangop sa kalihukan gumikan kay biktima sila sa inhustisya sa pipila nga anaa sa katungdanan ug pipila ka mga tawo nga mga adunahan sa atong katilingban.
Ang gidangatan sa duha ka mga giingong lider sa NPA nga naglihukan diha sa probinsya sa Davao Del Sur usa ka subo nga pamalandungon tungod Pilipino sab sila ug duna sab sila’y pamilya. Apan ang atong kagamhanan kinahanglan nga kita panalipdan gikan sa mga grupo nga muguba sa atong gobyerno. Mao bitaw nga kutob sa mga katawhan nga gipanghasi sa mga rebelde diha sa kabukiran respondihan gilayon kini sa mga kasundaluhan kay mao man kini ang mandato kanila sa gobyerno, gawas sa pagpanalipod sa atong estado.
Sa nahitabong gyera sa pipila ka mga lugar dinhi sa Eastern Mindano, dili lang kagubot ang hatod niini sa atong mga katilingban apan naghatod sab kini sa pagkadaot sa kaugmaon sa atong mga kabatanunan. Kay sa gyera tali sa gobyerno ug mga rebelde labing maapektuhan man niini ang mga katawhan nga nanginabuhi sa maong dapit nga dili malikayan sa pagbakwit panahon sa engkwentro. Mao nga angay lang nga tutukan sa kagamhanan ang laing alternatibo alang sa kalinaw sama sa himuong lokal ang pakigsabot tali sa mga rebelde inay ipaagi sa kadagkoan sa Communist Party of the Philippines-National Democratic Front (CPP-NDF) ato na lamang nga hinabion ang mga local nga mga lider sa mga rebelde dinhi sa atong mga kabukiran..Ug kini dili pa ulahi ang tanan, bisan ug napirmahan na sa pangulo nga permanente nga dili makig-uli sa mga reblede. Kinsa man tawon ang dili ug gusto”g kalinaw.?
Sigurado ko nga kini sila nga gipanghikawahan sa mga katungod ug hustiya dinhi sa atong mga lokalidad ang gipangkapoy na sa pagdagan diha sa kabukiran nga walay padulngan. Ug angayan lang karong panahuna ipatuman ang localized peacetalks sa atong lokal nga kagamhanan nagdto sa mga rebeldeng NPA.
Siguro sa unang higayon lisod pa kining kab-uton nga desisyon sa mga anaa sa ilang posisyon tungod kay naanad na sila sa mga kamanduan gikan sa ilahang mga labaw ilabi na kadtong anaa sa langyaw’ng nasud. Angay nga mupatigbabaw ang kalinaw,diha sa kabukiran nga ilahang gisalagan kay kita nagtuo nga mao kini ang sulbad sa mga problema sa kalamboan sa ilang tagsatagsa ka mga pamilya ingon man sa atong mga komunidad kay kung ang usa ka lugar nga walay kalinaw tabla ra nga kita gihikawan sa atong katungod mga mupuyong malinawon sa atong nasud.
