Gipasalig sa Malacañang ang kalig-on sa kagamhanan bisan pa sa mga natigom nga isyu kabahin sa kahimtang sa panglawas ni Presidente Ferdinand Marcos Jr. ug sa mga isyu sa impeachment.
Sumala kang Palace Press Officer Undersecretary Claire Castro, aktibo gihapon sa trabaho ang Presidente bisan pa sa tambag sa mga doktor nga maghinay-hinay kini sa trabaho.
Iyahang gibutyag nga wala nagbakasyon ang Presidente ug padayon nga nagbasa sa mga report ug importanteng dokumento aron magpabilin nga updated sa mga kalihokan sa gobyerno.
Gipasabot usab ni Castro nga dili sama sa uban, si Pang. Marcos dili puro bakasyon ang anaa sumala pa sa hunahuna.
Gihisgutan usab niini nga bisan kinahanglan sa Presidente ang pahulay, padayon gihapon ang iyang trabaho, nga nagpamatuod sa iyahang kakugihan ug dedikasyon sa serbisyo publiko.
Gihangyo usab sa Malacañang ang publiko nga magpabiling mosalig sa Presidente, ug gikanayon nga ang padayon niyang pagdumala ug trabaho importante aron mapadayon ang kalig-on sa gobyerno ug makahatag og positibong epekto sa ekonomiya sa nasod.
