Gipanawagan ni Pang. Ferdinand Marcos Jr. ang pakigbisog batok sa fake news, sayop nga impormasyon, ug walay puas nga bakak, tungod kay kini ang tinuod nga makadaot sa atong kagawasan.
Ang pamahayag sa Presidente nasunod sa pagsaulog sa ika-127 nga Independence Day karong adlawa, diin ang kagawasan nga gina-enjoy karon sa mga Pilipino resulta sa mga sakripisyo sa atong mga bayani.
Tungod niini, sumala pa ni Pang.Marcos Jr., angay lamang nga ipadayon ang pakigbisog alang sa kagawasan, bisan pa sa taliwala sa mga hagit nga giatubang sa Pilipinas karong panahona.
Gikanayon sa Presidente nga ubos sa Bagong Pilipinas, gawasnon ug dili na sala ang pagpadayag sa kaugalingong pagbati ug pagpanghimakak (kritisismo).
Sa tinuod lamang sumala pa, kini pa gani ang nagahatag og kinabuhi ug kahayag sa demokrasya sa nasud.
Ang problema lamang, sumala sa Presidente, kauban sa kagawasan sa pagpamahayag ang pagkaylap sa fake news ug sayop nga impormasyon.
Kun tan-awon sumala pa ang nahitabo sa tibuok kalibutan, ang pagkaylap sa sayop nga impormasyon nakaapekto sa kinabuhi sa usa ka tawo, sa kultura, ug sa mga values nga gisaligan sa atong nasud.
Gikanayaon sa Presidente nga makaguol nga aduna pay uban nga mga Pilipino nga nadala sa sayop nga mga pagtuo alang sa interes sa uban, ug dili alang sa kaayohan sa katawhang Pilipino.
Tungod niini, gi-awhag sa Presidente ang publiko nga magmatngon, hibaloa ang tinuod, ug pakigbatukan ang bakak.
Sama kuno sa gugma, ang kagawasan ug demokrasya kinahanglan ampingan, bantayan, ug panalipdan.
