DAVAO CITY – Kapin sa 200 ka mga Canadian ug Filipino-Canadian bloggers ang gikatakdang mobisita sa Kadayawan Village karung semanaha.
Una ng gibutyag ni Davao City Tourism Operations Office (CTOO) community based eco-cultural organizer William Banzali nga nangandam na sila alang sa maong pagbisita.
Matud pa kang Banzali nga nasayran sa mga bisita ang kalabot sa Kadayawan Village human nga gi-anunsiyo sa ahensiya nga mukabat sa 15,000 ngadto na sa 25,000 visitors ang midagsa niini atol sa Kadayawan season ug naghimong kabahin sa Global Promotion for Tourism sa Asya.
Nasayran sab kang Banzali nga pipila sa mga turista nga bisita sa Kadayawan Village sa milabay nga mga bulan ang naggikan sa China, Korea, Japan, Solomon Islands, Israel, Italy, US, Germany, Malaysia, Cambodia, ug Europe diin sagad kanila mga social media bloggers ug Halal group advocates.
Sagad sumala pa nga modagsa ang mga turista matag bulan sa Oktubre, Nobyembre ug unang semana sa Disyembre.
Gimandoan sab sa City Tourism ang mga tribu nga i-follow up ug i-validate ang description sa matag Tribu sa mga tarpaulin nga gipahimutang sa matag tribal house.
