Gipunduhan sa lokal nga nga kagamhanan sa dakbayan sa Davao ang mga kalihukan sa Kadawan Festival og mokaat sa ₱60 milyon.
Kini ang ang pondo nga gikatakdang igahin alang sa mga aktibidad atol sa moang kasaulugan nga kini ang gilangkuban sa Floral Float parade, Indak-Indak sa Kadayawan, Dula sa kadayawan, Hisyas ng Kadayawan ug uban pang mga kalihukan nga pangkultura nga kabahin sa kasaulugan.
Subay sa Calendar of Activities sa maong selebrasyon, masugod kini sa Agosto 7 hangtod sa petsa 17 kon napulo ka adlaw nga puno sa kasadya ug pasundayag.
Ang maong festival usa ka tinuig nga kasaulogan nga naghatag og pasidungog sa kultura, abunda nga ani, ug panaghiusa sa mga lumad ug mga tribo dinhi sa Davao nga kini nga giila isip haligi sa kultura ug identity sa syudad.
Atol sa gipahigayon nga panagpulong, gikanayon ninAtty. Jonah Margarette Presto, acting head sa City Tourism Operations Office (CTOO), nga ilahang siguruhon nga adunay patas nga paghatag sa mga obligasyon sa syudad ngadto sa tanang performers, ilabi na ang mga lokal nga artist ug cultural communities.
Gipaklaro usab sa executive committee sa festival nga sigurohon gayud ang saktong kompensasyon sa mga local artist batok sa mga commercial performers ug mga bisita.
Nasayran nga gawas sa ₱60 milyon nga gigahin sa dakbayan, adunay gilauman usab nga nga dugang ₱14 milyon nga pondo gikan sa private sponsors.
Kini nga hiniusang pondo nagpakita sa padayon nga suporta sa syudad sa pagpanalipod ug pagpalambo sa kultura sa mga lumad ug sa lokal nga talento.
Masaligon usab ang mga opisyal nga ang Kadayawan Festival 2025 magpabiling mabulukong kasaulogan sa kultura sa dakbayan sa Davao pinaagi sa panaghiusa sa tanang katawhan.
Ang giila nga king of festival ang saulugon sa ika-40 na ka tuig karong bulan sa Agosto.
