DAVAO CITY – Magpadayon lamang gihapon ang kasaulugan sa Kadayawan Festival karong tuiga, apan ipaagi na kini sa online.
Gikanayon ni Davao City Tourism Operations Office (CTOO) Head Generose Tecson kini na ang ika-duha nga tuig nga pagsaulog sa kadayaan pinaagi sa virtual. \
Kini human gipagawas ni Davao City mayor Inday Sara Duterte carpio ang Executive order No. 31 niadtong Lunes nga hugtanong nagdili sa tanang face-to-face non essential events sa tanang local ug national government offices events ug activitors epektibo may 26 hangtud Agosto 31, 2021.
Subay sa EO, pipila sa mga gi-banned nga events ang inauguration, anniversary, thanksgiving, ribbon-cutting, blessing, turnover, groundbreaking activity, launching program, salo-salo, birthday, press conference, oath-taking program, photo opportunity, retirement honors, welcome honors, testimonial program, summer outing, uban pang susamang kalihukan, ug gitugot lamang ang pagpahigayon niini pinaagi sa online.
Gikanayon ni Tecson nga gisugdan na nila ang planning stage niadto pang bulan sa pebrero niining tuiga, hinuon wala pa sila mitakda ug mga tukmang aktibidad nga maka-line up karong tuiga.
Bisan pa man ug online lamang ang selebrasyon sa kadayawan festival, apan gipasalig ni tecson nga ang diwa sa selebrasyon nga maghiglight sa 11 ka mga tribu sa syudad ug sa ilang kultura ang magpabilin.
