DAVAO CITY – Gikanayong ang kaso sa Economic abuse ang pabilin nga pinakataas nga klase sa Violence Against Women and Children (VAWC) nga natala sa dakbayan sa milabay nga tuig 2017 ug aduna sumala pay pagsaka sa tanan nga klase sa pagpangabuso sa nahisgutan nga panahon kung itandi sa milabay nga 2016.
Gikanayong ang Economic abuse mahitabo kung gikontrola sa bana nga maka-access ang iyang asawa sa economic resources.
Daghan sumala pa ug klase ang maong kaso diin usa niini ang pagpugong sa mga kababaenhan nga magpabilin lamang sa ilang responsibilidad ug mamahimong dependent lamang sa ilang bana.
Subay sa data gikan sa Integrated Gender and Development Division ilalom sa Davao City Mayor’s Office, adunay 964 ka kaso sa economic abuses gikan sa kinatibuk-ang 1,834 ang naduso.
Misunod niini ang psychological abuse nga anaa sa 519 ka kaso nga gisundan sa physical abuse nga anaa sa 324 ka kaso ug sexual abuse nga anaa sa 27 ka kaso.
Apan gibutyag ni Integrated Gender and Development Division (IGDD) Office-in-charge Lorna Mandin nga bisan nakatala sila ug 1,834 cases, anaa lamang sa 1163 ang kliyente sa milabay nga 2017.
