DAVAO CITY – Human nga gibasura ang kaso nga giduso batok sa anak sa bilyonaryo nga si Julian Ongpin, nagpasibaw sa ilang kadismaya ang mga higala ug kabanay sa namatay nga Davao artist Bree Jonson.
Wala napugngan sa inahan ni Bree nga Sally nga magpadayag sa iyang kadismaya sa nahimong desisyon nga ibasura ang kasong may kalambigitan sa illegal nga druga sa batang Ongpin.
Gikuwestiyon sab sa nahisgutan kung unsa na ang nahitabo sa “war on drugs” ug gitataw sab niini nga “Selective justice!!!” ang pag-dismiss sa kaso ni Julian.
Kahinumduman nga una ng gibasura sa San Fernando Regional Trial Court Branch 27 sa La Union ang kaso ni Ongpin ug gitangtang ang precautionary hold departure order nga gi-isyu batok kaniya.
Sa dose ka panid nga gipagula ni Branch 27 Presiding Judge Romeo Agacita Jr. wala sumala pay lig-on nga basehan ang kaso batok nga Julian. Wala sab sumala pay mga witness sama sa mga sakop sa media o mga elected officials sa gipahigayon nga inventory sa mga narekober nga ebidensiya.
Kahinumduman nga una ng narekober nga wala nay kinabuhi sa hotel room si Bree sa San Juan La Union sa milabay nga Setyembre diin ulahi nga nakauban niini si Julian.
