Ka-andam sa dakbayan sa bisan unsang emerhensya subling gipasalig

DAVAO CITY – Gipasalig sa lokal nga panggamhanan ang hinanali nga pagresponde sa kalamidad nga posibleng masinatian sa siyudad atol sa panahon sa ting-ulan.

Matud pa kang Davao City Information Officer Jefry Tupas, naka full alert kanunay ang mga sakop sa City Disaster and Risk Reduction and Management Office (CDRRMO) ingon man Central 911.

Dugang sa opisyal nga padayon sab nga gimonitor sa nahisgutan nga mga ahensiya ang mga kasapaan ug magpagula gilayon sila ug pahimangno ngadto sa mga residente nga delikado sa mga pagbaha.

Dugang sa nahisgutan nga motabang sab ang City Information Office sa pagpadala ug impormasyon gikan sa Office of the President sa higayon nga adunay ipatuman nga pagsuspendi sa klase sa primary ug secondary schools.