Nakatakdang mobalhin sa New York Knicks ang kanhi NBA 6th Man of the Year nga si Jordan Clarkson human sa kasabutan sa buyout tali kaniya ug sa Utah Jazz.
Gilauman nga mopirma si Clarkson og kontrata sa Knicks sa dihang makumpleto na ang iyang buyout sa Jazz, ang team nga iyang giserbisyohan sukad pa sa tuig 2019 human siyang ma-trade gikan sa Cleveland Cavaliers.
Sa miaging season, naka-average si Clarkson og 16.2 ka puntos, 3.7 ka assists, ug 3.2 ka rebounds sulod sa 37 ka duwa nga iyang naapilan.
Ang Utah Jazz ang naulahi sa Western Conference karong panahona, human lamang modaog og 17 ka duwa gikan sa 82 ka scheduled games sa 2024–2025 season, samtang mibati og 65 ka kapildihan.
Sa iyang pag-salmot sa Knicks, makigduwa si Clarkson sa kasamtangang core sa team nga sila si star guard Jalen Brunson, big man Karl Anthony Towns, ug mga forward nga sila OG Anunoby ug Mikal Bridges.
Kini nga grupo maoy nag-una sa Knicks aron makasulod sa 2025 Eastern Conference Finals.
Gilauman usab nga mahimong kabahin si Clarkson sa bench unit sa Knicks isip kanhing 6th Man awardee.
