DAVAO CITY – Nakig-alayon ang Japan International Cooperation Agency kon JICA, ug National Economic and Development Authority – Davao alang sa pagahimoong master plan alang sa Metro Davao.
Atol sa contract signing, gikanayon ni NEDA-Davao Regional Director Maria Lourdes Lim nga labing importante kining partnership tungod maghatag kini ug potensyal alang sa dakbayan nga mabansay ang prinsipyo sa usa ka smart city ug ang kabag-uhang hatud sa maayong transportation system.
Timailhan sab nila kini sa pagsuporta sa Regional Development Council in Davao Region alang sa pagamugnaong Metropolitan Davao Development Authority kon MDDA nga gilangkuban sa 15 ka panggamhanan sa tanang mga dakbayan ug lungsod sa Davao Region.
Gilauman sab ni JICA Mission Team Leader nga si
Shigehiko Sugita nga makahatag ang maong masterplan ug maayong kaugmaon sa tibuok Davao Region.
Nahilakip sab sa maong kasabutan ang katungdanan sa NEDA Regional Office 11 isip nag-unang project implementation office, uban ang Metropolitan Davao Development Coordinating Committee alang sa mga angayng lihukon sa pagmugna ug usa ka Metropolitan Davao.
via || Bombo LJF
