-- ADVERTISEMENT --
Gisugdan na sa kapulisan ang hot pursuit ug dragnet operation aron madakpan ang upat hangtud lima ka mga suspetsadong tulisan nga nitulis sa AMAjewelsOnlineShop, usa ka jewelry shop nga nahimutang sa Datop, Zone 1, Purok Kawayan, Acaciahan Street, Digos City, Davao Del Sur kagahapon sa buntag.
Base sa inisyal nga imbestigasyon sa Digos City Police Station, gikaingong nakuha sa mga tulisan ang mga alahas ug ang kita sa tindahan nga miabot sa P500,000 hangtud P600,000.
Padayon karon ang imbestigasyon ug operasyon sa kapulisan aron maila ug madakpan ang mga responsable sa maong insidente.
Gipangayo usab sa mga awtoridad ang tabang sa publiko pinaagi sa pagreport sa bisan unsang impormasyon nga makatabang sa kaso.
