Gipilidi ni Jake Paul via unanimous decision ang usa ka boxing legend nga si Mike Tyson, kagahapong adlawa (oras sa Pilipinas) sa Arlington, Texas.
Midominar si Paul sa kinatibuk-ang score nga gihatag sa mga judges pinaagi sa mga scores nga 80-72, 79-73, ug 79-73, diin pabor kang Paul.
Pinaagi sa iyahang naangkong kadaugan, napabilin ni Paul ang iyahang record nga 11-1, lakip na ang pito ka mga knockouts, ug nahimong usa sa mga pipila ka mga boksingero nga mipildi sa usa ka Hall of Famer nga si Tyson.
Sa katapusan sa ilahang panagsangka, gidayeg usab ni Paul si Tyson, ug gitawag kini nga usa ka icon ug “the greatest boxer of all time.”
Sa laing bahin, gipaklaro sab ni Tyson, nga ang hinungdan matud pa sa iyahang pagpanagpa ngadto kang Jake Paul mao ang pag tamak matud pa ni Paul ngadto sa iyahang tiil, diin makita nga naka sapatos ang maong batan-ong boxer, apan siya nakasuot lamang og medjas.
Hinuon, nagkaamigo ra usab kini sila og balik, human sa ilahang panagsangka.
