DAVAO CITY – Mangilabot na ang City Government of Davao mahitungod sa usa ka ancestral domain sa tribong Matigsalug sa Barangay Baganihan, Marilog District ning dakbayan nga gisulayang maangkon sa singkwenta ka mga tribal leaders gikan sa Magpet, North Cotabato.
Nagpatabang na karon ang lokal nga panggamhanan sa National Commission on Indigenous Peoples aron maghatag ug katigbawan ang maong isyu sa pagpanag-iya sa maong yuta.
Gipahimangnoan sab ni Mayor Baste Duterte ang mga lumad nga dili magpasagad og pamaligya og yuta. Nakaalerto na sa nahisgutang lawak ang Public Safety & Security Command Center aron malikayan ang posibleng komosyon nga mahitabo tali sa duha ka grupo.
Kahinumdumang misulay og apela ang tribong Matigsalog ngadto kang City Councilor Conde Baluran sa miaging bulan tungod sa maong isyu.
Sumala pa sa konsehal nga adunay mga dokumento nga ginahuptan ang mga tribal leaders nga taga- Cotabato nga nagpamatuod nga gipanag-iyaha nila ang maong lawak apan dili pa kini beripikado.
via || Bombo LJ Florendo
