Gilimod ni Israel Prime Minister Benjamin Netanyahu nga iyahang gi-insulto si Hesus human kini gisaway sa pahayag nga nagtandi kang Hesus ug Genghis Khan.
Gitawag niini nga “fake news” ang mga akusasyon ug gikanayon niini nga gisaysay lamang niya ang ideya sa historian ug hugot nga sumusunod ni Hesus nga si Will Durant kabahin sa kamahinungdanon sa military strength ug moralidad.
Sa ideya nga ang usa ka morally superior civilization mahimo gihapong mapildi sa brutal nga kaaway kung walay kusog.
Gihimo ni Netanyahu ang pagpaklaro human siya nakadawat og pagsaway sa iyahang pagdiskurso, diin gibutyag niini nga sa unang panahon, walay bentahe si Hesus kung itandi kang Genghis Khan, aron ipasabot nga ang moralidad dili igo kung walay katakos nga protektahan ang kaugalingon.
Tungod niini, daghan usab ang nagpakita og kasuko sa pagkumpara, ug pipila ka lider sa simbahan nagtawag niini nga pagpangdaot sa dungog.
