Dili tawo kundili usa ka langgam nga adunay dalang isda ang gituohang nakapasilaob sa usa ka sunog sa kabukiran sa kasadpang bahin sa Canada.
Sumala sa Ashcroft, British Columbia Fire Department, ilahang nakit-an ang usa ka isda human mitubag sila sa usa ka grabe nga sunog nga nahitabo mga unom ka kilometro sa habagatan nga bahin sa nasampit nga lugar.
Sa ilahang social media post, gibutyag niini nga langgam gayud ang hinungdan sa nasampit nga sunog tungod sa isda.
Gituohan sa mga bumbero nga usa ka osprey (klaseng agila) ang nagdala sa maong isda gikan sa pinakaduol nga suba nga mga tulo ka kilometro ang gilay-on.
Posible daw nga nabuhi-an sa osprey ang isda ug nahulog kini sa linya sa kuryente, nga miresulta sa pagsugod sa sunog sa uga nga sagbot sa dapit.
Pasi-aw nga gibutyag sa fire department nga basin napul-an na ang langgam sa pagkaon og hilaw nga isda o nabug-atan kini tungod sa kainit sa panahon.
Napagod pag-ayo ang isda human sa insidente, apan wala ma’y osprey nga nasamdan, matod sa Ashcroft Fire Department.
Napalong ra usab ang sunog nga walay dugang kaguliyang o kadaut atong sa maong panghitabo.
