DAVAO CITY – Nahimong malampuson ang gipahigayon nga Iron Man 70.3 kagahapong adlawa nga gisalmutan sa kapin usa ka libo nga partisipante.
Kahinumduman nga atol sa kompetisyon, midaug ang taga Mexico nga si Mauricio Mendez, 22-anyos.
Mapasalamaton ang nahisgutan gumikan kay nag-enjoy usab siya samtang anaa sa dakbayan ilabi na sa suporta nga gihatag sa mga Dabawenyo nga kung diin matag kilometro duna sumala pay naga-cheer kaniya padulong sa Tagum City.
Kahinumduman nga Rank 1 si Mauricio samtang Rank 2 si Timothy James Reed nga taga- Australia ug Rank 3 si Tim Van Berkel nga naggikan usab sa Australia.
Dugang nasayran nga kini na unta ang kahigayunan nga mamahimong Grand Slam ni Timothy James Reed apan napugngan kini ni Mendez human nga nahimong kampeonato sa Iron Man 70.3 Race.
Samtang gipasalig sab ni Mendez nga bisan siya ang nagkampeyon, padayon pa gihapon siya nga mosalmut sa maong kompetisyon ug gani mas tarungon pa niya sa mosunod nga triathlon event.
