DAVAO CITY – Ipahigayon na sab diri sa Davao City ang Ironman 70.3 triathlon sunod tuig. Atol sa anunsyo, giablihan na sab ang registration alang sa mga buot musalmot sa maong sporting event.
Gikanayon ni Princess Galura, general manager sa Sunrise Events, muabot sa kapin 1,500 ka mga lokal ug langyaw nga mga triathletes ang gilaumang musalmot.
Manukad gihapon ang triathlon race sa may Azuela Cove sa Lanang na magsugod pinaagi sa 1.9-kilometer swim off, sunod ang 45-kilometer bike ride padulong sa Davao del Norte ug pabalik sa Davao City, ug ang ulahi mao ang 21.1-kilometer two-loop run course sa kadalanan sa syudad.
Gipangandaman na sab sa City Government of Davao ang pagpahigayon sa maong aktibidad, lakip niini ang pagpatuman ug health and safety protocols kontra COVID 19.
Unang gilusad sa Davao City ang Ironman 70.3 niadtong 2018 ug nasundan kini niadtong 2019. Sa Marso 23, 2023 mahitabo ang giilang pinakadako ug pinakataas nga triathlon race sa tibuok kalibutan.
via || Bombo LJ Florendo
