Mihimo sa pagpangataki ang Israel sa Iran, matod pa ni Israeli Defense Minister Israel Katz, dungan sa pagdeklara ug state of emergency sa tibuok nasud.
Gipahayag sa nahisgutang opisyal, pagkahoman sa preemptive strike sa State of Israel batok sa Iran, gilauman ang pagpalupad ug mga missile ug drone batok sa Israel ug sa mga sibilyan niini.
Gika-report sa Iranian state media nga pipila ka pagbusikad ang sunod-sunod nga nadunggan sa kapital nga mao ang Tehran, samtang nagpadayong nagkagrabe ang tensyon sa rehiyon.
Samtang gipahayag sa usa ka opisyal sa Estados Unidos nga walay partisipasyon o tabang ang Estados Unidos sa gihimong pagpangataki sa Israel sa Iran.
Gikumperma usab sa usa ka Israeli official nga pipila kahigayong naghinabi ang National Security Cabinet sa Israel una gipahigayon ang pagpangataki.
Gitarget niini ang Iranian nuclear facilities, military assets ug mga nag-unang opisyal sa Iranian military. Samtang giserado usab sa Israel ang airspace, matod pa sa Ministry of TRansportation sa nahisgutang nasud.
