DAVAO CITY – Hugtanong gipamahayag sa mga miyembro sa Indigenous Political Structure sa tribong ata sa paquibato district nga dili ibaligya ang yuta nga kabilin atol sa ilang ulahing panagtigom aron ipasibaw pag-usab ilang tinguha nga protektahan ang ilang yutang kabilin gikan sa pagpangabuso gumikan sa walay puas ug iligal nga pagmaligya sa ilang mga yuta.
Sa gihimong panagtapok nila, nagkasinabot ang mga lideres sa IP aron nga pangayoon ang suporta ni Mayor Sarah Duterte Carpio aron sa pagpakusog sa ilang pagpanigkamut nga hatagan og pagtagad ingon man rerspeto ang ilang yutang kabilin base na sab sa unod sa RA 8371 o indigenous people’s reights act (IPRA) LAW.
Nangayo karon ug hinabang ang mga lideres sa IP alang sa pagmontar sa mga signages ingon man billboards sa tanang brgy sa paquibato district diin mabasa ang “Ancestral Domains are NOT FOR SALE” ug “Penalty of IMPRISONMENT for the Seller and Buyer”, gumikan sa Resolution No. 010 Series of 2021 nga pinirmahan sa siyam (9) ka mga miyembro nga anaa sa maong panagtigom.
Anaa sa 8.77 ka ektarya ang kabilin sa ata tribe, 7.58 ka ektarya niini anaa nalokar sa sulod sa utlanan sa Davao city.
