DAVAO CITY – Mamahimo sumala pa nga pahamtangan ug silot nga pagkabalhug sa bilanggo-an tibuok kinabuhi ang mga tawo nga mamatud-an nga nahilambigit sa kasong hazing, labi na sa initiation sa fraternity, diin napatay ang usa ka Horacio ‘Atio’ Tomas Castillo, III.
Kini ang gihatagan ug katin-awan ni Atty. Israelito P. Torreon, Dean sa Law School Department sa Jose Maria College, kinsa namahayag nga bisan ang mga misaksi lamang sa nahisgutan nga hazing nga kauban sa grupo mamahimong isipon sab nga nakigkonsabo sa krimin sa panahon nga mamatay ang biktima.
Gi-angkon ni Atty. Torreon nga nakahupot na siya ug daghanan nga mga kaso sa hazing ug ang pinakalisod niini mao ang pagpangita ug mga saksi nga modout sa mga suspek.
Kini gumikan sa kahimtang nga ang mga biktima niini sagad nga tinaptapan ang mga bata ug ang mga naga-initiate dunay kamandu-an sa pagpakahilum kutod sa mahimo.
